Шкулта чӑваш чӗлхине халалласа тӗрлӗ мероприяти  иртрӗ.  Тунтикун вӗренекенсем  «И.Я.Яковлевӑн вилӗмсӗр ячӗпе ӗҫӗ-хӗлӗ»  презентаци  курчӗҫ, уроксенче ҫутта кӑлараканӑмӑрӑн  пурнӑҫӗпе, халалӗпе  паллашрӗҫ.    Чӑваш чӗлхи  урокӗсенче   «Чӑваш ҫырулӑхне - 150 ҫул» ятпа  викторина иртрӗ. Ытларикун  5-9 –мӗш классем «Чӑваш чӗлхи - пӗлу чӗлхи» онлайн-викторинӑра  пӗлӗве тӗрӗслерӗҫ.   6- 9 –мӗш класс  ачисем  «И.Я.Яковлев ҫамрӑксен асӗнче» ятлӑ кинопа паллашрӗҫ. Юнкун  вӗренекенсем  республикӑри «Эпӗ чӑвашла калаҫатӑп» акцие хутшӑнчӗҫ, чӑваш чӗлхине халалласа сӑвӑсем каларӗҫ.  Кӗҫнерникун  «Пулас чӗлхеҫӗсем»   КВН иртрӗ.  5-8-мӗш классенче  «Кам  тавҫӑруллӑрах?» ятпа викторина пулчӗ.    Ҫӗнтерӳҫӗ  ята В. Алексеев,  А. Артемьева , И. Кошелева, С. Абрашев,  А. Тимофеева  тивӗҫрӗҫ.  Эрнекун  вӗренекенсем  хушшинче   «Тӑван чӗлхем-таса хӗлхем»   сӑвӑҫсен конкурсӗ иртрӗ.  Кашни класс чӑваш чӗлхине халалласа сӑвӑ шӑрҫаларӗ.  Эрнипех «Чӑваш ҫӗршывӗ –Чӑваш Ен» ятпа ӳкерчӗксен куравӗ пулчӗ.  Ку конкурсра пуҫламӑш классем пуҫаруллӑрах пулчӗҫ.

Юлия Кошелева,   вӗрентекен