Вӗренӳри, спортри, обществӑлла ӗҫри пысӑк ҫитӗнӳсемшӗн пултаруллӑ ҫамрӑксене Чӑваш Республикин Пуҫлӑхӗн стипендине парса хавхалантараҫҫӗ.
      Ҫак пысӑк чыса кӑҫалхи ҫул 9-мӗш класра вӗренекен Ирина Кошелева тивӗҫ пулчӗ. Пултаруллӑскер шкул чысне тӗрлӗ конкурссенче, олимпиадӑсенче, спорт ӑмӑртӑвӗсенче хӳтӗлет.
     Кӑҫалхи вӗренӳ ҫулӗнче муниципалитет тапхӑрӗнче чӑваш чӗлхипе тата литературипе, экологипе, ОБЖ предмечӗсемпе ҫӗнтерӳҫӗ, биологипе призёр пулчӗ.
     Пуҫламӑш класранпах республикӑра тухса тӑракан ача-пӑча кӑларӑмӗсемпе — «Тантӑш» тата «Теттепе» — туслӑ ҫыхӑну тытать. Шкулти «Юнарми» ҫарпа патриот юхӑмӗн командинче тӑрать.
      Иринӑна малашне те ҫитӗнӳсем сунатпӑр. Тӑрӑшулӑхпа ҫӗнсе илнӗ хисеппе саламлатпӑр