Чӑваш Республикин  Вӗренӳ  институчӗ   Петĕр Хусанкая  халалласа «Хусанкай вулавӗсем-2021» ятпа фестиваль ирттерчӗ.  Пысӑк мероприяти регион шайӗнче иртрӗ.  Пултарулӑх конкурсне  Чӑваш, Тутар,  Пушкӑрт  Республикисенчен тата  Самар, Ульяновск облаҫӗсенчен  те хастар хутшӑнчӗҫ.   Конкурса пурӗ 235 вӗренекен хутшӑнчӗ.  Фестивале  хутшӑнакансенсем   аслӑ поэтӑмӑрӑн хайлавӗсене вуласа ӳкернӗ видеороликсем тӑратрӗҫ.  Хайлавсем  чӑвашла, тутарла, пушкӑртла   янӑрарӗҫ. Пирӗн шкултан пултарулӑх конкурсне  икӗ вӗренекен    хутшӑнчӗ.  А. Артемьева Петр Хусанкайӑн «Эп – чӑваш ачи» сӑввине  вуласа призерсен шутне кӗчӗ.  И.Кошелева сӑвӑҫӑн «Таня» поэминчи сыпӑк тӑрӑх ӳкернӗ видеороликпе   ҫӗнтерӳҫӗ ята тивӗҫрӗ.  Ҫӗнтерӳҫӗсене дипломпа чысларӗҫ.

                                                                                                                                                             Ю.В.Кошелева