2017-мĕш çула Йĕпреç тăрăхĕ Раççей Геройне, Л.С.Константинова, халалланă. Çак кунсенче районта Раççĕй Геройĕ ячĕпе сăвăçсен, çамрăк ÿнерçĕсен, хайлав çыракансен, сăн ÿкерчĕк çапакансен хушшинче конкурссем пулса иртрĕç. Çăкалăх шкулĕнче вĕренекен ачасем палăртнă мероприятисене хастар хутшăнчĕç. Сăвăçсен конкурсĕнче Тимофеева Алина (4кл.)-1-мĕш вырăн, Артемьева Настя (7кл.)-2-мĕш вырăн, Егорова Инга (7кл.)-3-мĕш вырăнсене тивĕçрĕç. «Сирĕн паттăрлăх ĕмĕр асра пулĕ» сочиненисен конкурсĕнче- М. Кошелева (9кл.) хайлавне-2-мĕш вырăн парса хакларĕç. Раççĕй Геройне асра тытса ирттернĕ конкурссенче хастар хутшăннă пур вĕренекене те тав тăватпăр , малашне те пысăк çитĕнÿсем сунатпăр. Çĕнтерÿçĕ ачасене дипломсемпе чысларĕç.

Ю.Кошелева, вĕрентекен.