Сиплĕ курăк пухатпăр

Кашни çулах Чăваш потребсоюз сиплĕ эмел курăкĕ пухассипе республика шайĕнче конкурс ирттерет. 2016-мĕш çулхи вĕренÿ çулĕнче пирĕн шкулти ачасем те çак хĕрÿ тупăшăва хутшăнса эмел курăкĕ чылай пухса типĕтрĕç. Тăрăшулăхне кура республикăри шкулсем хушшинче тăван шкулăм çĕнтерÿçĕ ята çĕнсе илме пултарчĕ. Малти вырăншăн хаклă парнепе тата дипломпа чысларĕç . Çĕнтерÿпе хавхаланса вĕренекенсем тата тăрăшуллăрах пулчĕç. Çак ырă йăлана кăçалхи çу кунĕсенче те малаллах тăсрĕç. 1-9-мĕш класс ачисем пархатарлă ĕçе хутшăнчĕç. Чи хастаррисем вара 7-8-мĕш класс ачисем – А.Иванова, А.Ракова, К.Ананьева, А.Артемьева, А.Иванов, С.Тимофеев – пуçаруллăрах пулчĕç.

Юлия Кошелева