Пуш уйӑхӗн 24-мӗшӗнче   "Тантӑш" хаҫат хӑйӗн  тусӗсене  5-мӗш слета пуҫтарчӗ. Ҫӑкалӑхри тӗп шкултан ҫамрӑк корреспондентсен слетне  виҫӗ юнкор кайма тивӗҫлӗ пулчӗ: Аня Артемьева, Вадим Алексеев тата Ирина Кошелева. Ҫулталӑкӗпех хаҫата сӑвӑ-калав, заметкӑсем ярса паракан ачасене тӗрлӗ номинацисенче палӑртрӗҫ. Ирина Кошелева "2022  ҫулта "Тантӑш" хаҫатра пичетленнӗ чи интереслӗ заметка" номинацинче ҫӗнтерӳҫӗ ята тивӗҫрӗ. "Тантӑш" хаҫатӑн дипломне  тата хаклӑ парнесем илме тивӗҫлӗ пулчӗ. Слета пурӗ 100 юнкор пуҫтарӑннӑ. Хаҫат тусӗсем  тӗрлӗ пултарулӑх  класӗсенче пулса курчӗҫ. Малашне те хаҫатпа туслӑ ҫыхӑну тытма  сӑмах пачӗҫ.