Ҫӑкалӑхри тӗп шкулта спортпа ҫар вӑййисен уйӑхлӑхне халалласа тӗрлӗ конкурс пулчӗ.  Вӗренекенсем ӳкерчӗксен конкурсне те, пӑшалпа тӗл персе лектерессипе, йӗлтӗрпе чупассипе, мини-футбол выляссипе, хаваслӑ стартсене, пирвайхи пулӑшу парассипе, викторинӑсене  тата тӗрлӗ тупӑшусене хутшӑнчӗҫ.  Чи явапли  -  стройпа утса иртесси пулчӗ. Ҫак кун шкула районти» Н.Ю.Шашкин ертсе пырака «Пограничниксен туслӑхӗнчен»  пограничниксем килчӗҫ. Малтанах вӗсем ачасемпе   Паттӑрлӑх урокӗсем ирттерчӗҫ.  Ун хыҫҫӑн пурте спортзала васкарӗҫ. Кунта 1-мӗш класран пуҫласа 9-мӗш класс таран хӗрӳ тупӑшу иртмелле.  Паян вӗсен тӑрӑшулӑхне районтан килнисем хак параҫҫӗ.  Чи малтан ӑмӑртӑва кӗҫӗн классем пуҫларӗҫ. Кӗҫӗн классем хушшинче  ҫӗнтерӳҫӗ ята 1-мӗш классем тивӗҫрӗҫ (командирӗ –А. Константинова), 2-мӗшпе 3-мӗш вырӑнсене 2-мӗш тата 3-мӗш классем пайларӗҫ.  Вӑтам тата аслӑ классем хушшинче 8-мӗш классем 1-мӗш вырăна (командир – Д. Кондратьев) тивӗҫрӗҫ. 5-мӗш классем 2-мӗш (командирӗ  - А. Семенова) пулчӗҫ. 3-мӗш вырӑна 6-мӗш классем тивӗҫрӗҫ (командирӗ – А. Артемьева. 7-мӗш тата 9-мӗш классене Тав хучӗ парса хавхалантарчӗҫ. Хӑнасем  те уява пушӑ алӑпа килмен.  Вӗсем   «Юнармия» юхӑмра тӑракан кашни армееца  телняшка тата берет парса хавхалантарчӗҫ. Юлашкинчен пурте асӑнмалӑх сӑн ӳкерӗнчӗҫ.

                                          Юлия Кошелева