Пĕтĕм Тĕнчери  халăхсен чĕлхине   тата  Театр çулталăкне халалласа  районта чăвашла, тутарла тата мордва чĕлхисемпе  каласа юптарусен  конкурсĕ пулса иртрĕ.  Конкурсăн тĕп тĕллевĕ – тăван чĕлхене упрасси  тата пултаруллă ачасене аталантарасси  пулчĕ.  Çамрăк артистсем паллă  юптаруçăсен тата çамрăк авторсен ĕçĕсене суйласа илчĕç.   Пирĕн шкултан  фестивале виçĕ вĕрентекен хутшăнчĕ.  Вĕсем  шкултан вĕренсе тухнă  К. Кошелева çамрăк авторăн  хайлавĕсене суйласа илчĕç.  М. Ананьева   (5-мĕш класс)  «Кивĕ Витрепе Çĕнĕ Витре» юптарупа 2-мĕш вырăна тивĕçрĕ.  А.Тимофеева  (6-мĕш класс) «Икĕ Çурта» тата А.Артемьева (3-мĕш класс) «Пыл Хурчĕпе Шăна»  хайлавсемпе 3-мĕш вырăн  йышăнчĕç. Çĕнтерÿçĕсене пурне те дипломсемпе чысларĕç.

                                           Юлия  Кошелева, вĕрентекен